Мадуро ағдарилгач, Венесуэлада нималар бўлмоқда – фотосуратлар

3 январ куни тонгга яқин Венесуэла пойтахти Каракас ва унинг атрофидаги ҳудудлар АҚШ қуролли кучлари томонидан амалга оширилган кучли ҳаво зарбалари остида қолди.

Гувоҳларнинг сўзларига кўра, Каракаснинг турли нуқталарида кучли портлаш овозлари эшитилган, бу вақтда шаҳар осмонида ҳарбий самолётлар учиб юрган. Шаҳарнинг катта қисми электр таъминотидан узилган.

Орадан кўп вақт ўтмай АҚШ президенти Доналд Трамп ўзининг Truth Social тармоғидаги саҳифасида Венесуэла етакчиси Николас Мадуро ва унинг рафиқаси Силия Флорес қўлга олингани ҳамда мамлакатдан олиб чиқиб кетилганини эълон қилди.

Вашингтондагилар Мадурога қарши «наркотерроризм», кокаин контрабандаси ва АҚШга қарши ишлатиш мақсадида қурол сақлаш каби расмий айбловларни илгари сурди.

Айни вақтда Мадуро ва рафиқаси Ню Йоркка олиб келинган ва тергов изоляторига жойлаштирилган. Улар душанба куниёқ суд қилиниши мумкин.

Қуйида Америка зарбалари ва Николас Мадуро ҳокимиятдан ағдарилгач, Венесуэлада нималар бўлаётгани акс этган фотосуратлар келтирилади.