Мирзо Улуғбек туманида автобус саройида ёнғин содир бўлди

13 январ куни тунги соат 02:16 да Тошкент шаҳри Мирзо Улуғбек туманида жойлашган 5-сонли автобус саройида автобусда ёнғин содир бўлаётгани ҳақида хабар келиб тушган.

Фото: ФВБ

Тошкент шаҳар ФВББга келиб тушган мурожаатга кўра, ҳодиса Мирзо Улуғбек тумани Тинчлик кўчаси 5-сонли автобус саройи ҳудудида кузатилган. Қутқарув ва ёнғин-қутқарув экипажлари воқеа жойига соат 02:22 да етиб борган.

Олиб борилган тезкор ҳаракатлар натижасида ёнғин соат 02:32 да тўлиқ ўчирилган. Дастлабки маълумотларга кўра, ҳодиса жойида 5-автосаройга қарашли автобус ёнгани ва зарарлангани аниқланган.

Қайд этилишича, ёнғин оқибатида жароҳатланганлар йўқ. Ҳодиса сабаблари ва келтирилган моддий зарар миқдорига ойдинлик киритиш бўйича тегишли тартибда ўрганиш ишлари олиб борилмоқда.