Ишсизлик нафақаси: тўлаш шартлари ва миқдори

Қонунчиликка кўра, ишсизлик нафақаси фақат меҳнат шартномаси бекор қилинган шахсларга белгиланади. Нафақа миқдори ва тўлаш тартиби аниқ мезонлар асосида ҳисобланади.

Қонунга мувофиқ, ишсизлик нафақаси сўнгги 5 йилда камида 18 ой ишлаган шахсларга меҳнат шартномаси бекор қилинганидан сўнг 6 ой ичида мурожаат этилганда тайинланади.

Нафақа охирги 18 ойлик ўртача иш ҳақи ҳисобидан 3 ой давомида тўланади.

Тўлов миқдори қуйидагича:

▪️ 1-ойда — ўртача ойлик иш ҳақининг 75 фоизи, бироқ меҳнатга ҳақ тўлашнинг энг кам миқдорининг 3 бараваридан ошмаган ҳолда;
▪️ 2- ва 3-ойларда — ўртача ойлик иш ҳақининг 50 фоизи, бироқ меҳнатга ҳақ тўлашнинг энг кам миқдорининг 3 бараваридан ошмаган миқдорда.

Ишсизлик нафақасини такроран тайинлаш учун аввалги нафақа муддати тугаганидан кейин қўшимча равишда камида 12 ойлик иш стажи талаб этилади.