HUMO интеграцияни кенгайтиради: энди AloqaBank мижозлари Zoomrad иловаси орқали Alipay+ дан фойдаланишлари мумкин

Чет элга сафар кўпинча чипта сотиб олишдан эмас, хавотирли ўй-фикрлардан бошланади: валютани қаерда алмаштираман, карта ўтармикан, қанча нақд пул олиш керак? Бу масала айниқса Осиё йўналишларида, жумладан, виза режими бекор қилингандан кейин Ўзбекистондан амалий, сайёҳлик ва таълим сафарлари оқими ортган Хитойда долзарбдир. Мана шу шароитда HUMO чет элда қулай ва хавфсиз тўлов усулларини ривожлантиришга устуворлик берди.

2025 йилда HUMO Alipay+ халқаро тўлов платформасига уланди. Бу Ўзбекистон банкларига савдо нуқталари ва рақамли тўловларнинг кенг глобал тармоғига уланишда HUMO инфратузилмасидан фойдаланиш имконини берди. Бу имкониятдан биринчилардан бўлиб AloqaBank фойдаланди – у 2026 йил март ойида ўз мобил иловасига Alipay+ орқали тўлаш функциясини киритди. Натижада HUMO картаси қулай тўлов воситасига айланди, унинг соҳиблари эса, Хитойда ва дунёнинг 50 дан зиёд мамлакатларида QR-код орқали тўлов қила оладиган бўлди.

Бу қандай ишлайди?

Бугунга келиб Ўзбекистондаги фойдаланувчилар аксарият хизматлар ва харидлар ҳақини смартфон орқали тўлашга ўрганиб қолган. Zoomrad’дан янги сервис ушбу одатий тўлов шаклини чет элга сафарда ҳам сақлаб қолиш ва ортиқча ташвишлар ҳамда молиявий чекловларсиз тўлов қилиш имконини беради.

Тўлов учун смартфон ва одатий Zoomrad иловасининг ўзи кифоя. Чет элдаги – биринчи навбатда QR-тўловлар стандартга айланган Хитойдаги савдо нуқталарида – харидорнинг банк мобил иловасини очиши ва сотувчининг QR-кодини сканерлаши етарли бўлади.

Zoomrad иловасида керакли функцияни топиш осон:

1. Zoomrad иловасини очинг

2. Бош саҳифада “Alipay+ орқали тўлов” функционал баннерига босинг

3. Савдо нуқталарида QR-кодни сканерлаб ёки ўз QR-кодингизни кўрсатиш орқали тўлов қилинг.

Ҳаммаси жуда осон ва тез амалга ошади.

Маблағ иловага бириктирилган HUMO картасидан ечилади ва маҳаллий валютага белгиланган шартлар асосида автоматик конвертацияланади. Фойдаланувчи амалиётни реал вақт режимида кузатиб туради ва сафар давомида ўз харажатларини назорат қила олади.

Хавфсизлик ва халқаро инфратузилма

Alipay+ — бутун дунё бўйлаб миллионлаб савдо нуқталарини бирлаштирувчи халқаро тўлов платформаси. У билан интеграция Ўзбекистон банкларининг мижозлари учун рақамли ҳисоб-китоблар имкониятини кенгайтиради. Сайёҳлардаги энг катта хавотирлардан бири – пул ўғирланиши ёки ҳамённи йўқотиш. Нотаниш мамлакатда пулни қаердан ечиш ва қаерда айирбошлаш мумкинлигини билмай, яшаш учун маблағсиз қолиш – қанчалик нохуш ҳолат. Смартфондан фойдаланиш нақд пул билан боғлиқ хавотирни камайтиради, зеро пул ҳисобварақда сақланади ва банк томонидан ишончли ҳимояланади.

Тўлов пайтида картани сотувчига бериш ёки pin-кодни айтиш шарт эмас, сайёҳнинг ўзи жараённи назорат қилади, транзакциялар эса ҳимояланган каналлар орқали ўтади. Бу нақд пулдан фойдаланиш ёки чет қурилмаларда маълумотларни киритиш билан боғлиқ хатарларни қисқартиради.

HUMO билан саёҳат учун кенгроқ имкониятлар

Янги сервис мобил тўловлардан фаол фойдаланувчилар: қайси мамлакат бўлмасин, одатий қулайлик даражаси ва молиявий назоратни сақлаб қолишни муҳим санайдиган сайёҳлар, тадбиркорлар, талабалар ва ёш мутахассисларга мўлжалланган. Бугунги кунда AliPay+ орқали тўлов 50 дан зиёд мамлакатларда, жумладан, Хитой, Қозоғистон, Туркия, АҚШ, Таиланд, Европа мамлакатлари каби ўзбекистонликлар кўп қатнайдиган йўналишларда қабул қилинмоқда. Ўз томонидан, HUMO фаолият географиясини мунтазам кенгайтириб, иловани янги мамлакатлар билан интеграцияламоқда ва фойдаланувчиларига янги имкониятларни таклиф этмоқда.

HUMO тўғрисида

HUMO — 2019 йилда нақдсиз ҳисоб-китоблар инфратузилмасини ривожлантириш учун ташкил этилган Ўзбекистон миллий тўлов тизими. Тизим оператори – “Миллий банклараро процессинг маркази” (МБПМ) АЖ. Бугунги кунда HUMO мамлакат молия бозорининг муҳим қатнашчисига айланиб, бизнес ва аҳоли учун замонавий ҳамда ишончли тўлов экотизимини шакллантирмоқда.

Тизим банк карталарига хизмат кўрсатишнинг тўлиқ циклини, жумладан, уларни чиқаришни, банкоматлар ва POS-терминалларда амалиётлар процессингини, шунингдек, контактсиз ва рақамли тўлов усулларинининг татбиқ этилишини таъминлайди. HUMO республика ичида транзакциялар хавфсизлигини оширишга ва тўлов инфратузилмасининг барқарорлигига қаратилган технологик ечимларни фаол ривожлантиради.

Халқаро йўналишда HUMO ҳамкорлик ва ўзаро эквайринг орқали миллий карталардан фойдаланиш чегараларини кенгайтирмоқда. UnionPay International каби йирик халқаро тизимлар билан кобейжинг лойиҳаларининг амалга оширилиши туфайли, HUMO фойдаланувчилари Ўзбекистондан ташқарида ҳам ҳисоб-китобларни амалга ошириш имконига эга бўлади.

Zoomrad иловаси тўғрисида

Zoomrad — Ўзбекистон Республикаси AloqaBank акциядорлик-тижорат банкининг мобил иловаси. Унинг ёрдамида банк ва нобанк хизматларидан қулай ва тезкор фойдаланиш мумкин.

Zoomrad орқали қуйидаги имкониятларга эга бўласиз:

• исталган карталар ўртасида пул ўтказиш

• турли хизматлар ҳақини тўлаш

• депозитлар очиш ва микроқарзлар расмийлаштириш

• метро ва автобусда йўл ҳақини тўлаш

• Alipay+ орали тўловдан фойдаланиш.

Zoomrad — бу молиявий ва кундалик сервисларни битта иловада жамлаган қулай ва хавфсиз экотизимдир.

 Сайт | Instagram | Facebook | Telegram | Linkedin