«Дунё» ахборот агентлиги хабарига кўра, илк рейс 28 октябр куни маҳаллий вақт билан соат 17:30 да Маттала Ражапакса халқаро аэропортига қўнган. Унда Тошкентдан 160 нафар йўловчи етиб борган.
Янги йўналиш очилиши муносабати билан самолёт аэропортда анъанавий сув аркаси орқали кутиб олинган ва расмий маросим ўтказилган.
Авиақатнов Ўзбекистоннинг Исломободдаги элчихонаси ҳамда Centrum Air авиакомпаниясининг Шри-Ланкадаги тегишли ташкилотлар билан музокаралари натижасида йўлга қўйилган.
Тошкент–Маттала–Тошкент йўналишидаги парвозлар 2027 йил март ойи охирига қадар режалаштирилган.
Янги қатнов икки мамлакат ўртасида туризм, савдо ва инвестиция алоқаларини кенгайтириши кутилмоқда. Шунингдек, у Шри-Ланкадан Марказий Осиёнинг бошқа мамлакатларига Ўзбекистон орқали сафар қилиш имкониятларини оширади.
