Малайзия пойтахти илк дақиқаларданоқ ҳайратга сола олади. Бу ерда кўзни қамаштирувчи осмонўпар бинолар ўзига хос маҳаллалар ва ибодатхоналар билан ёнма-ён жойлашган. Мегаполис шовқини ўрнини яшил боғларнинг сокинлиги эгаллайди. Бир бурилиш ортида замонавий савдо маркази, бошқасида эса хушбўй кўча таомлари ва шаҳарнинг бутунлай ўзгача суръати сизни кутиб олиши мумкин.
Куала-Лумпур, айниқса ҳар ким бу ерда ўзига хос саёҳат режасини тузиши мумкинлиги билан жозибали. Ҳайратланарли замонавий меъморчилик қуршовида кун ўтказиш, харид қилиш, малай, хитой ва ҳинд таомларини татиб кўриш, тропик боғларда шошилмасдан сайр қилиш ёки шунчаки Жануби-Шарқий Осиёнинг энг ёрқин мегаполисларидан бири ҳаётини кузатиш мумкин.
Агар саёҳатни давом эттиришни истасангиз, Куала-Лумпур Малайзиянинг бошқа манзилларига бориш учун қулай транзит нуқтаси бўлиши мумкин. Интерлайн келишуви туфайли бутун йўналишни — масалан, Лангкавига ёки Борнео оролининг Малайзия қисмигача — ягона авиачипта орқали расмийлаштириш ва багажни охирги манзилгача рўйхатдан ўтказиш мумкин. Ортиқча тўхташлар ва қайта рўйхатдан ўтишларсиз — фақат битта транзит ва Малайзияни ўзингиз учун кашф этишга янада кўпроқ имкониятлар.
Бундай саёҳатни режалаштириш энди янада қулай бўлади. Октябрь ойи охиридан бошлаб Uzbekistan Airways Тошкент — Куала-Лумпур йўналиши бўйича мунтазам авиақатновлар сонини ҳафтасига тўрт мартагача оширади.
Тошкентдан парвозлар чоршанба ва якшанба кунлари соат 23:05 да, пайшанба кунлари соат 17:50 да, шанба кунлари эса соат 07:40 да амалга оширилади.
Куала-Лумпурдан қайтиш парвозлари душанба ва пайшанба кунлари соат 11:00 да, жума кунлари соат 05:50 да, шанба кунлари эса соат 19:40 да амалга оширилиши режалаштирилган.
Бундай жадвал кўпроқ эркинлик беради: тўлақонли таътилни режалаштириш, бир неча кунлик таассуротларга бой саёҳат уюштириш ёки Жануби-Шарқий Осиёнинг бир нечта манзилини қамраб олувчи йўналиш тузиш мумкин. Саёҳатни бошлаш янада осонлашди: бир томонга авиачипта нархи 3 235 000 сўмдан, бориш ва қайтиш чиптаси эса 6 357 000 сўмдан бошланади.
