Қачон поликлиникада ҳисобдан ўтиш керак
Поликлиника рўйхатидан кўпинча қуйидаги ҳолларда ўтилади:
- Кўчиш (яшаш ёки вақтинчалик рўйхатдан ўтиш манзили ўзгарганида)
- Фарзанд туғилганида
- Шифокор ёки поликлиника фаолияти қониқтирмаганида
Кўчиб ўтганингизда ёки даволаш сизни қониқтирмаётган бўлса, поликлиника ёки шифокорни ўзгартириш ниятини билдиришингиз мумкин.
Фарзанд туғилганида у онаси ҳисобда турган поликлиникага бириктирилади. Агар она ҳеч қаерда рўйхатда турмаса, бола онанинг рўйхатдан ўтган манзили бўйича поликлиникага ҳисобга қўйилади. Бунинг учун туғруқхонага ота-она ва бола ҳақидаги маълумотлар керак бўлади. Бу маълумотлар бола туғилишидан олдин, бўлажак она ҳомиладорлик бўйича ҳисобга қўйилганда олинади. Шунинг учун бола туғилгандан кейин поликлиникага бириктириш ота-она иштирокисиз амалга оширилади. Ота-она кейинчалик хоҳишга кўра бола бириктирилган поликлиникани алмаштириши мумкин.
Поликлиникани ўзгартирганда нималарни ҳисобга олиш керак
Поликлиникадан у сизнинг яшаш ёки вақтинчалик рўйхатдан ўтган манзилингизга хизмат кўрсатадими-йўқми, аниқлаб олинг. Агар манзилингизга хизмат кўрсатмайдиган поликлиникани танласангиз, касал бўлганингизда терапевтни уйга чақира олмайсиз. Шунингдек, поликлиника қуйидагиларнинг ҳолатини назорат қилиш учун тиббий ходим жўнатмайди:
- Ҳомиладорлар
- Кексалар
- Чақалоқлар
- Сурункали касаллиги ёки ногиронлиги бор беморлар
Поликлиникани ўзгартириш
Поликлиника ва оилавий шифокорни қуйидаги йўллар орқали ўзгартириш мумкин:
- «Жисмоний шахсларни оилавий поликлиникаларга ҳисобга қўйиш» хизмати орқали
- Dmed иловасида
- Поликлиникага бориб
Агар поликлиникага борсангиз, сизга қуйидагилар керак бўлади:
