Тошкент шаҳрида тўртта автобус йўналишлари ўзгартирилади. Бу ҳақда Тошшаҳартрансхизмат хабар берди.
Маълум қилинишича, Кичик ҳалқа йўлининг Бунёдкор шоҳкўчаси билан кесишмасидан Арнасой кўчаси билан кесишмасигача бўлган қисми транспорт ҳаракати учун вақтинча ёпилиши сабабли мазкур ҳудуд орқали ҳаракатланувчи автобус йўналишлари схемаси қуйидагича ўзгартирилади:
18, 80-сонли йўналишлар (шаҳар маркази томон): Кичик ҳалқа йўли ➔ Арнасой ➔ Чўпон ота кўчалари орқали.
77, 103-сонли йўналишлар (шаҳар маркази томон): Кичик ҳалқа йўли ➔ Бунёдкор ➔ Чўпон ота кўчалари орқали.
Қайд этилишича, чекловлар давомида кўчаларда тирбандликлар ортиши эҳтимоли мавжуд. Заруратга қараб йўналишлар ҳаракатига қўшимча ўзгаришлар киритилиши ҳам мумкин.
Шунингдек, автобусларнинг қатнов ва оралиқ вақти режадагидан бироз узоқроқ давом этиши мумкинлиги айтилмоқда.
Аввалроқ қурилиш-монтаж ишлари олиб борилиши сабабли Кичик ҳалқа автомобил йўлининг Бунёдкор шоҳкўчаси билан кесишмасидан Арнасой кўчаси билан кесишмасигача бўлган қисми транспорт ҳаракати учун 4 кунга ёпилиши хабар қилинганди.
