Иккинчи ва ундан кейинги олий таълим олиш истагида бўлган фуқаролар аризаларини my.edu.uz платформаси орқали онлайн шаклда топширади.
Ариза бериш жараёнида номзод паспорт ва ЖШШИР маълумотларини киритиши, диплом ҳамда унинг иловасининг электрон нусхасини юклаши лозим.
Шунингдек, ўқиш истагида бўлган олий таълим муассасаси ва тегишли таълим йўналиши танланади.
Иккинчи ва ундан кейинги олий таълим тўлиқ тўлов-контракт асосида амалга оширилади.
Иккинчи мутахассислик бўйича қабул квоталари ҳар бир олий таълим муассасасининг илмий-педагогик салоҳияти ва моддий-техник базасидан келиб чиққан ҳолда белгиланади. Қабул параметрларини ОТМ кенгаши мустақил равишда тасдиқлайди.
Иккинчи ва ундан кейинги олий таълимга қабул натижалари олий таълим муассасалари томонидан 30 августга қадар эълон қилинади.
