Хусусан, Тошкент давлат юридик университетида бакалавриатнинг юриспруденция ва яна учта йўналишида кундузги таълим шаклидаги супер-контракт 269 960 400 сўм деб белгиланди.
Термиз давлат университетида супер-контракт миқдорлари йўналишига қараб 29,6 млн сўмдан бошланади. Юриспруденция, халқаро муносабатлар ҳамда давлат ва жамият бошқаруви йўналишлари учун энг юқори миқдор – 90 млн сўм белгиланган.
Наманган давлат университети йўналишга қараб 22,9 млн сўмдан 31,9 млн сўмгача бўлган нархларни белгилади.
Тошкент кимё-технология институти Янгиер филиалида супер-контракт 22,2 млн сўмдан бошланиб, 48,1 млн сўмгача боради.
Талабгорлар олийгоҳларнинг расмий сайти, ижтимоий тармоқлардаги расмий саҳифалари ёки телефон рақами орқали аниқлик киритиши мумкин.
Супер-контракт нима?
Давлат олийгоҳларига ўқишга кирганлар (шу жумладан, кейинроқ очилган 6-йўналишга ҳам) базавий тўлов-контракт асосида таҳсил олади. Базавий контракт миқдорлари охирги марта 2025 йил сентябрда эълон қилинган. Жорий ўқув йилида бу нархлар ўзгариши ёки ўзгаришсиз қолиши маълум эмас.
