Олий таълим, фан ва инновациялар вазирининг 2026 йил 11 августдаги 337-сон буйруғи билан 2027 йил учун олий таълимдан кейинги таълимга қабул квоталари тасдиқланди.
Ҳужжатга мувофиқ, республика бўйича жами 4 840 та қабул квотаси ажратилган. Ушбу ўринлар мамлакатдаги 234 та илмий ва таълим ташкилоти кесимида тақсимланган.
Қабул квоталарининг энг катта қисми таянч докторантура ҳиссасига тўғри келади. Ушбу йўналиш учун 3 900 та ўрин ажратилган.
Шунингдек, докторантура учун 540 та, стажёр-тадқиқотчилик учун эса 400 та қабул квотаси белгиланган.
Шу тариқа, 2027 йилда олий таълимдан кейинги таълим тизимида илмий кадрлар тайёрлаш учун жами 4,8 мингдан ортиқ ўрин ажратилади.
