Англия: енгилмас «Нюкасл»
«Нюкасл Юнайтед» – «Борнмут» 2:2
Голлар: Таверне, 9 (0:1). Тиау, 35 – автогол (0:2). Барнс, 37 (1:2). Рэмси, 88 (2:2)
«Нюкасл Юнайтед»: Горничек, Ботман, Тиау, Ҳолл (Ливраменто, 90), Дедич, Гонсалес (Стер, 77), Майли (Рэмси, 63), Уиллок (Фернандес-Пардо, 63), Барнс, Эланга (Мёрфи, 78), Висса
«Борнмут»: Петрович, Ҳилл, Силва, Трюффер, Смит, Скотт (Кристи, 90+6), Адамс (Кук, 76), Клюйверт (Брукс, 76), Таверне (Доук, 89), Райан (Жеббисон, 89), Эванилсон
Огоҳлантиришлар: Эланга, 28. Висса, 57 – Клюйверт, 66. Трюффер, 87. Смит, 90
Мавсумни жуда тетик бошлаган «Нюкасл» («Ливерпул» билан 2:2, «Тоттенҳэм» устидан 2:0 ҳисобидаги ғалаба) «Борнмут» билан ўйинда кутилганидек жиддий муаммоларга дуч келди: «олчалар» бунгача қаторасига саккизта ўзаро ўйинда «қарғалар»га ютқазмаган, бу ўйинларнинг тенг ярмида ғалаба қозонганди. Бу сафар ҳам меҳмонлар ўз вазиятларидан максимум натижа чиқариб олишди. Ҳисобни очган Таверне олисдан йўлланган зарбадан кейин рикошет орқали йўналишини ўзгартирган тўпга барчадан биринчи бўлиб етиб борди, кейин эса унинг қанотдан узатмаси Тиаунинг автоголига олиб келди. Фақат иккинчи голдан кейингина мезбонлар ўзига келишди ва Барнс олис «тўққизлик»ни аниқ нишонга олиб, жамоасини ўйинга қайтарди. Ўйин охирида эса айнан унинг узатмасидан кейин Жейкоб Рэмси ҳисобни тенглаштирди. «Нюкасл» енгилмас жамоа бўлиб қолмоқда.
«Манчестер Сити» – «Ковентри» 1:0
Гол: Ҳоланд, 26 (1:0)
«Манчестер Сити»: Доннарумма, Рубен Диаш, Гейи, Гвардиол, Ҳусанов, Андерсон, Фернандес (Буадди, 76), Шерки (Фоден, 66), Ндиай (Макайду, 87), Семенё, Ҳоланд
«Ковентри»: Рашуорт, Томас, Пиннок, Аменда, Граймс, Онека (Йиренки, 63), Дасилва (Ҳамер, 85), ван Эвейк, Рудони (Чауна, 63), Мэйсон-Кларк (Симмс, 71), Авонийи (Томас-Асанте, 71)
Огоҳлантиришлар: Ҳусанов, 90 – ван Эвейк, 19. Пиннок, 90
Френк Лэмпард бошқарувидаги «Ковентри» АПЛга қайтишини қаторасига икки мағлубият билан бошлаганди, «Этиҳад»да ҳам ушбу салбий серияни якунлашнинг имкони бўлмади. Шу билан бирга, чемпиошипдан чиққан ушбу жамоани буткул иложсиз аҳволда қолди деб бўлмайди. Аввалига Ҳусановнинг дарвозабонга узатмаси голга айланиб кетишига бир бахя қолди, Доннарумма сўнгги сонияда дарвоза чизиғини тўлиқ кесиб ўтмаган тўпга етиб боришга улгурди. Кейинги дақиқада эса Авонийи дарвозабон билан яккама-якка вазиятга чиқиб борди, аммо тўғри зарба беролмади. Фақат бўлим ўрталаридан ўтганида Ҳоланд Семенё ўнг қанотдан дарвозабон ҳудудига оширган тўпни бош билан рақиб дарвозасига киритиб юборди.
