Xalqaro Olimpiya qo‘mitasi prezidenti Tomas Bax va Milliy Olimpiya qo‘mitalari assotsiatsiyasi prezidenti Shayx Ahmad Al-Fahad As-Saboh 14 iyun kuni O‘zbekistonga tashrif buyurdi.
Tarqatilgan xabarlarga ko‘ra, kecha martabali mehmonlar Toshkentdagi O‘zbekiston Milliy Olimpiya qo‘mitasining yangi binosini borib ko‘rishgan.
Bugun xalqaro sport tashkilotlari rahbarlari «Bunyodkor» stadioniga tashrif buyurishadi. Shuningdek, stadionda matbuot anjumani o‘tkazilishi kutilmoqda.
XOQ matbuot xizmatiga ko‘ra, Tomas Bax shuningdek, Tojikiston va Qirg‘iziston mamlakati rahbariyati va Milliy Olimpiya qo‘mitalari vakillari bilan uchrashuvlar o‘tkazishni rejalashtirgan.