Apple kompaniyasining Kupertinodagi idoralarining birida odam murdasi topilgani ma'lum qilingan edi.
Shu munosabat bilan kompaniya kampusdagi anjumanlar zalida jonsiz holatda topilgan xodimning oila a'zolari va yaqinlariga chuqur hamdardlik bildirdi. Bu haqida BuzzFeed xabar beradi.
«Biz yosh va iste'dodli xodimimizning fojiali o‘limidan qattiq iztirobdamiz. Uning oila a'zolari va do‘stlari, shuningdek, Apple kompaniyasidagi hamkasblariga chuqur hamdardlik bildiramiz. Bunday og‘ir vaqtda biz ularni qo‘ldan kelganicha qo‘llab-quvvatlashga tayyormiz», — deyiladi kompaniyaning rasmiy bayonotida.
Bundan oldinroq, Apple ofisida vafot etgan yigitning nomi ma'lum qilingandi. U o‘z joniga suiqasd qilgani aniqlangan.