Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
iPhone сотуви кетма-кет иккинчи чоракда паст кўрсаткични қайд этди
09:27 / 27.07.2016
3759

Apple компаниясининг навбатдаги чорак якунлари бўйича ҳисоботида қайд этилишича, iPhone сотуви кетма-кет иккинчи чоракда ҳам тушиб кетган. Бу ҳақда Reuters хабар бермоқда.

Бу кўрсаткич кутилганидан 15 фоиз паст экани маълум қилинган. Ҳисоботда келтирилган маълумотларга кўра, компания 40,4 млн дона смартфон сотишга муваффақ бўлган. Таҳлилчилар эса 40,02 млн қурилма сотилишини прогноз қилишган эди.

Компаниянинг иккинчи чоракдаги соф фойдаси 27 фоизга тушиб кетиб, 7,8 млрд долларни ташкил этган. Тушум миқдори 42,36 млрд долларга баҳоланган.

Apple маҳсулотларининг Хитойдаги сотуви янада кескин тушиб кетган: учинчи чоракда пасайиш кўрсаткичи 33,1 фоизни ташкил этган.


Улашинг
Top