IŞID safiga jangarilarni yetkazib berişda ayblangan 70 yoşli rossiyalik nafaqaxör 5,5 yilga ozodlikdan mahrum etildi

Tergov paytida ayol sevgilisini izlab, Xasanov bilan uçraşgani, u esa ayoldan qidiruvni töxtatişni talab qilib,  Umarov uning maslahati bilan şahid bölganini sözlab berdi. 

Biroq sudda jangarining sobiq ma'şuqasi körsatmalarini özgartirdi va nafaqaxör bilan haqiqatda uçraşgani, ammo u Umarovning "har baloni öqib", Suriyaga ketib qolganini ma'lum qilganini aytadi.  

Umarov keyinçalik sobiq sevgilisi bilan aloqaga çiqqan, u jangarilar tomonida kuraş olib borayotganini aytgan, lekin otaxonning bosimi ostida ketganligiga doir heç narsa demagan. 

Nafaqaxörning boşqa bir ijaraçisi - Jumaniyozov tergovçilarga Xasanov uni ham IŞID safiga qöşilişga çorlaganini aytgan. Biroq Xasanovning huquq himoyaçisi aytişiça, xavfsizlik xodimlari guvohning körsatmasini özgartirib körsatişgan. 

Xasanov yigitlarni jangarilarga qöşmoqçi bölgani töğrisida yana bir ijaraçi - Tursunboyev körsatma bergan. Sudda u tarjimon orqali körsatma bergan, sudlanuvçining advokati esa Tursunboyevning rus tilini bilmasligini, şu sababli ham tatar millatiga mansub Xasanov uni jangarilar safiga da'vat qila olmasligini aytgan, çunki u ham özbekçani bilmasdi, axir. 

Yana ikki ijaraçi ham tergov jarayonida Xasanovga qarşi körsatma berişgan, ammo migratsiya qonunçiligini buzişgani bois deportatsiya qilinib, sudda iştirok eta olişmagan.

Xasanovning advokati guvohlar haqiqatda nafaqaxörning uyida ijarada turganini tasdiqladi, biroq u yigitlar bilan deyarli muloqot qilmagani, çunki ijaraçilar doim işda bölişgani, şu bois jangarilar safiga çorlaş haqida gap-söz bölişi mumkin emasligini aytgan. 

Qöşnilar va qarindoşlar nima deydi

Nafaqaxörning qarindoşlari va qöşnilari uning aybdorligiga işonişmaydi. Qöşnilardan biri nafaqaxör Aleksandr Balakin Xasanovni ruhan qöllab-quvvatlaş uçun sud majlislariga muntazam qatnagan. U sudga tergovçilar ustidan arz qilib, ularning nafaqaxörga bosim ötkaziş va tahdid qilişga urinişganini, şuningdek Xasanovning tilga olmagan sözlarini bayonotga qöşişganini aytdi.

Xasanovning boşqa qöşnilari ham unga ijobiy tavsif berişgan hamda uning heç qaçon diniy mavzuda gap oçmaganini, butun mahalla uning taqdiridan xavotirda ekanligini ma'lum qilişgan.

Tergovçilar Suriyaga ketgan Umarovning qarindoşlarini ham söroq qilişgan. Ularning sözlariga köra, Bogdan sönggi 5 yil davomida jangarilarga qöşilişga doir suhbatlar qurgan. Xasanovning advokati aytişiça, nafaqaxör emas, aynan Umarovning özi qöşnilarni IŞID safiga çorlaş bilan şuğullangan. 

Sud qanday qarorga keldi

Manbaga köra, sud nafaqaxör patronlarni kimdan sotib olgani va nima uçun ular qonga belangan bölganligiga heç qanday izoh topa olmadi. Biroq guvohlarning nafaqaxörga tuhmat qilişdan heç qanday naf körmasligini yaxşi bilgan. 

Xasanov yigitlarni jangarilar safiga jönatişga doir  ayblovlarni inkor qilib, patronlarni qidiruv paytida tergovçilarning özi taşlab qöyganligini taxmin qildi. Şunga qaramay, sud Xasanovni aybdor deb topib, uni 5,5 yilga umumiy tartibli qamoqxona jazosini ötaşga hukm qildi. 

Advokatning sözlariga köra, u hukm ustidan şikoyat qilib, Xasanovga eng kam muddat belgilanişini talab qilmoqçi. Himoyaçi nafaqaxörni töliq aybsiz deb topişlarinii istaşini bildirgan.