Bu tartib prezidentning 2026-yil 14-oktabrdagi «Bolalarni ijtimoiy himoya qiliş tizimini takomillaştirişga qaratilgan qöşimça çora-tadbirlar töğrisida»gi PQ–375-son qarorida nazarda tutilgan.
Qarorga köra, 20-oktabrdan Samarqand viloyatida sodir etilgan, hujjatda belgilangan jinoyatlar böyiça jabrlangan voyaga yetmaganlar iştirokidagi sudga qadar protsessual harakatlar markazning ixtisoslaştirilgan xonalarida amalga oşiriladi. Bular söroq qiliş, ekspert tekşiruvi uçun namunalar oliş, ekspertiza ötkaziş, tanib oliş uçun körsatiş va zaruratga köra boşqa harakatlarni qamrab oladi.
Protsessual harakatlarni markaz psixologining xulosasi asosida maxsus tayyorgarlikdan ötgan prokuratura xodimi - intervyuyer amalga oşiradi.
Jarayon majburiy ravişda audio va videoga qayd etiladi. Yozuvlarni markazda saqlaş, uçinçi şaxslarga beriş yoki har qanday şaklda tarqatişga yöl qöyilmaydi. Ular dalil sifatida eʼtirof etilib, bolani sudga çaqirmasdan qöllanilişi mumkin.
Şuningdek, jabrlanuvçi bolaning qonuniy vakili iştirokisiz gumon qilinuvçi, ayblanuvçi, ularning yaqinlari yoki himoyaçilari bilan bevosita uçraşişiga yöl qöyilmaydi.
2027-yil 1-yanvardan jinoyat işiga jabrlanuvçi yoki guvoh sifatida jalb qilingan bolalarga davlat hisobidan yuridik yordam körsatiladi. Bu vazifani bolalar bilan işlaş böyiça maxsus tayyorgarlikdan ötgan advokatlar bajaradi.
Bundan taşqari, Ijtimoiy himoya milliy agentligining tun-u kun işlaydigan «1246» işonç telefoni «112» yagona dispetçerlik xizmati bilan integratsiya qilinadi.
