Avstraliyada maktab o‘g‘rilarini qidirishmoqda

Avstraliya politsiyasi maktabga timsoh tashlab ketgan va u yerdan kompyuterlarni o‘g‘irlagan to‘rt nafar erkakni qidirmoqda. Bu haqda “Reyter” agentligi xabar bermoqda.

Erkaklar mamlakat shimolida joylashgan Taminmin kollejida o‘g‘irlik qilishgan. Shundan so‘ng ular singan derazalar orqali maktab ichiga uchta timsohni qo‘yib yuborishadi.

Kuzatuv kameralaridan ko‘rinib turibdiki, erkaklar kompyuter monitorini o‘g‘irlashgan va jinoyat joyidan yashirinishgan.

Avstraliya milliy parki va qo‘riqxonasi boshqarmasi ma'lumotiga ko‘ra, timsohlarni maktab yaqinidagi fermadan keltirishgan. Xabarga ko‘ra, timsohlarning ahvoli juda yomon bo‘lib, ularni yashab qolishiga hech qanday umid bildirilmagan.