Putin ertaga Samarqandga keladi

Rossiya prezidenti, ayni vaqtda  Xitoydagi "Katta yigirmatalik" sammitida ishtirok etayotgan Vladimir Putin 6 sentabr kuni Samarqandga keladi. Bu haqda «Anhor.uz» sayti o‘z manbasiga asoslanib xabar tarqatgan.

«6 sentabr kuni Rossiya prezidenti Vladimir Putin Xitoydan Moskvaga qaytishda Samarqandga kirib o‘tadi. Bundan maqsad — marhum prezident (Islom Karimov — «Kun.uz») qabrini ziyorat qilish hamda mahalliy rahbarlar bilan uchrashish», — deyilgan xabarda.

O‘zbekistonning birinchi prezidenti Islom Karimov 2 sentabr, juma kuni vafot etdi.

Dafn marosimi 3 sentabr kuni, Islom Karimovning o‘z vasiyatiga ko‘ra, Samarqand shahrida bo‘lib o‘tdi.

3—5 sentabr kunlari O‘zbekistonda motam kunlari deb e'lon qilingan.