Qrim mehmonxonasi Yevropada eng yaxshisi deb topildi

Qrimning Yalta shahrida faoliyat yuritadigan Mriya Resort & Spa majmuasi turizm sohasida ikkita obro‘li mukofot — World Travel Awards 2016 va World Spa Awards 2016 sovrinini qo‘lga kiritdi, deb xabar qilingan mehmonxonaning Facebook sahifasida. 

Ekspertlar Mriya Resort & Spa majmuasini Yevropaning eng yaxshi dam olish majmuasi va Rossiyaning eng yaxshi Spa-kurorti deb topishdi. Ta'kidlash joizki, mehmonxona World Travel Awards 2016ning 5ta yo‘nalishi bo‘yicha kurash olib borgan.

Taqdirlash marosimi 5 sentabr kuni Italiyaning Sardiniya orolida bo‘lib o‘tgan. 

Besh yulduzli sanatoriya-kurort majmuasi Mriya Resort & Spa 2014 yil 14 avgustida ochilgan edi. Uning arxitektura loyihasini britaniyalik arxitektor va Rossiya Badiiy akademiyasining faxrli a'zosi ser Norman Foster chizgan.