8 sentabr kuni Braziliyaning Rio-de-Janeyro shahrida boshlangan Paralimpiya o‘yinlarida O‘zbekiston delegatsiyasi a'zolari birinchi kunni o‘ta muvaffaqiyatli o‘tkazishdi.
Dzyudo bo‘yicha erkaklar o‘rtasida 60 kg. vaznda ishtirok etgan O‘zbekiston vakili Sherzod Namozov oltin medalni qo‘lga kiritdi. U chorak finalda urugvaylik dyuzodochini 3:04 daqiqada, yarim finalda ozarboyjonlik raqibini esa 56 soniyada mag‘lub etdi. Finalda yaponiyalik Makoto Xirosega qarshi chiqqan Namozov 1:23 daqiqada ippon bahosi bilan g‘alaba qozondi.
Shu tariqa, Sherzod Namozov O‘zbekistonga ilk oltin medal olib keldi.
