Ispaniyada minglab odamlar korridaga qarshi namoyishga chiqdilar

Ispaniya poytaxti – Madrid ko‘chalariga minglab odamlar an'anaviy buqa janglari, jumladan korridani taqiqlash talabi bilan chiqdilar.

Namoyish ishtirokchilari qo‘llarida "Korrida – shafqatsizlik maktabi", "Korrida – milliy isnod" degan yozuvli plakatlar bo‘lgan.

Iyunda Kastiliya va Leon hukumatlari buqalarni festivallarda o‘ldirishni taqiqlab qo‘ygandi. Biroq shunga qaramay Ispaniyada har yili 2 mingga yaqin shunday janglar uyushtiriladi.
 
Jamoatchilik fikrini bilish shuni ko‘rsatmoqdaki, korridaning jamiyat tomonidan qo‘llab-quvvatlanishi avvalgidan kamaygan, biroq Pamplona San-Fermindagi tadbirlar avvalgidek ko‘plab tomoshabinlarni yig‘moqda.