Le Pen: Fransiyaning YeIdan chiqishiga doir referendum o‘tkazish mumkin

Fransiyaning «Milliy front» partiyasi yetakchisi Marin Le Pen, mamlakat prezidentligi uchun saylovlarda g‘alaba qozongudek bo‘lsa, Fransiyaning YeI tarkibidan chiqishi bo‘yicha referendumni tashkil etishi mumkinligini bildirdi, deb xabar qilmoqda CNN telekanali.

Le Pen Yevroparlament sessiyasida berilgan savolga javob berar ekan, «demokratiya me'yorlariga ko‘ra, referendum - bu eng yaxshi quroldir», - degan. U, bu haqda so‘nggi yillarda bir necha marotaba so‘z yuritganini eslab o‘tgan. 

Le Penning aytishicha, har bir millat o‘z taqdirini o‘zi belgilash imkoniga ega bo‘lishi kerak. Shu boisdan, Yevrokomissiya rahbari Jan-Klod Yunker ham «demokratga aylanishi» va ularga sharoit yaratib berishi lozim.