Polshadagi avtoustaxonada 25 yildan beri Commodore 64 kompyuteridan foydalanib kelishmoqda

Polshaning Gdansk shahridagi avtoustaxonada 25 yildan beri Commodore 64 kompyuteridan ish uchun foydalanib kelishadi. Bu haqda Gizmodo nashri xabar yozgan.

Commodore’ning feysbukdagi rasmiy sahifasida ko‘rsatilishicha, ushbu kompyuterdan avtomobil valining muvozanatini aniqlash maqsadida foydalaniladi va haligacha juda yaxshi ishlab turibdi.

Ma'lumot uchun, Commodore 64 kompyuteri 1982-1994 yillarda ishlab chiqarilgan. U MOS Technology 6510 protsessorida ishlaydi.