Silvio Berluskoni yubiley yoshini nishonlamoqda

29 sentabr kuni Italiyaning sobiq bosh vaziri Silvio Berluskoni 80 yillik yubileyini nishonlaydi.

Yevropaning eng xarizmatik va atoqli siyosiy arboblaridan biri bo‘lmish Berluskoni 1936 yili Milanda tug‘ilgan. U yuridik ta'lim olib, 30 yoshida kichik bo‘lmagan yutuqlarga erishdi. Xususan, qurilish, televizion va bosma nashrlar sohasida o‘z biznesini tashkil qildi.

1990 yilda esa Berluskoni yanada ko‘proq narsa istayotganini angladi va «Forza, Italy!» («Olg‘a, Italiya!») partiyasini tashkil etdi. O‘sha vaqtda deyarli hech kim uning xarizmasi va konservativ shiorlari saylovlarda g‘alaba qilish uchun yetarli bo‘lishiga ishonch bildirmagandi. Lekin Berluskoni buni uddaladi. U Italiya bosh vaziriga aylandi va bu lavozimda uzoq vaqt qoldi (4 marta). U hech qachon o‘zining hokimiyatparastligini yashirib o‘tirmagan. Berluskoni musiqa albomlari yozdirdi, hashamatli villalar va avtomobillar xarid qildi. Italiyaning eng badavlat kishisiga aylandi.