Yaponiyaning janubi-g‘arbida joylashgan Aso vulqoni otildi, deb ma'lum qildi 8 oktabrda Yaponiya bosh meteorologik boshqarmasi. Bu haqda RIA “Novosti” axborot agentligi xabar bermoqda.
36 yil ichida birinchi marta Aso vulqoniga taalluqli bo‘lgan Nakadake tog‘ida vulqon otilishi yuz berdi. Aso shahriga vulqon kuli yog‘ildi. Natijada yo‘llar, ochiq avtoturargohlardagi avtomobillar usti yupqa kul qatlami bilan qoplandi.
Davriy ravishda turli kraterlarida vulqon otiladigan Aso vulqoniga besh darajali xavfsizlik tizimi bo‘yicha 3-xavflilik darajasi berildi.
