Ukrainaning Odessa viloyati gubernatori Mixail Saakashvili mintaqada yuz bergan kuchli dovul sababli favqulodda holat joriy qildi. U bu haqda 13 oktabr kuni Facebook tarmog‘idagi sahifasida yozgan.
«Daraxtlar va elektr uzatish ustunlarining qulashi 3 kishining hayotiga zomin bo‘lgan. ularning biri 11 yoshli boladir. 100dan ortiq aholi punkti elektr quvvatidan mahrum bo‘lgan. Viloyat ma'muriyatida favqulodda holat shtabi faoliyat yuritmoqda», — deb yozgan Saakashvili.
U shuningdek, fuqarolarni shamol kuchi susaymaguncha uydan chiqmay turishga chaqirgan.
12 oktabr kuni Odessaga kuchli dovul yopirilgani xabar qilinmoqda.
