Moskvada birinchi qor yog‘di

Rossiya poytaxti Moskva shahrida birinchi qor yog‘di, deb xabar qilmoqda «Gazeta.Ru».

Shahardagi havo harorati Tselsiy shkalasi bo‘yicha +1°C darajani tashkil etgan.

Sinoptiklarning ma'lumotlariga ko‘ra, Moskva shahridagi bu yilgi qish mavsumi o‘tgan yilgidan sovuqroq kelishi mumkin. 13 oktabrda shuningdek, Moskva viloyatida ham birinchi qor yoqqani xabar qilingan edi. O‘tgan yili Moskvada birinchi qor 7 oktabrda yoqqan edi.

Eslatib o‘tamiz, 13 oktabr kuni O‘zbekistonning tog‘li hududlarida, xususan Qamchiq dovonida qor yoqqani haqida xabar qilingan edi.