Turkiya Trampni g‘alaba bilan tabrikladi

Turkiya bosh vaziri Binoli Yildirim va mamlakat Tashqi ishlar vaziri Mavlud Chovusho‘g‘li Donald Trampni AQSh prezidentligi uchun saylovlarda g‘olib chiqqani bilan tabrikladi. Bu haqda Reuters xabar tarqatdi.

«AQShni va mamlakatning yangi prezidenti Donald Trampni tabriklayman. AQSh bilan o‘zaro ishonch ustiga qurilgan strategik hamkorlik kuchayishda davom etishini tilayman», — degan Chovusho‘g‘li.

Eslatib o‘tamiz, respublikachi Donald Tramp 279 ovoz olib, 218 ovozga ega bo‘lgan demokrat Hillari Klintonni ortda qoldirgan holda AQShning yangi prezidentiga aylandi.