Qoʻshimcha funksionallar
-
Tungi ko‘rinish
Afrika qit'asining eng yaxshi futbolchisi bo‘lish uchun nomzodlarga ovoz berish boshlandi
VVS talqiniga ko‘ra Afrika qit'asining 2016 yildagi eng yaxshi futbolchisi sovriniga nomzodlar e'lon qilindi.
Ro‘yxatda 5 nafar futbolchi nomi keltirilgan: xavbek Yaya Ture («Manchester Siti», Kot-d’Ivuar), vinger Sado Mane («Liverpul», Senegal), xabvek Andre Ayyu («Vest Hem», Gana), hujumchi Per-Emerik Obameyang («Borussiya» D, Gabon) hamda yarimhimoyachi Riyoz Mahrez («Lester», Jazoir).
Qayd etish kerakki, nomzodlardan biri bo‘lmish Yaya Ture joriy mavsumda birorta o‘yinda maydonga tushmagan.
U o‘tgan mavsumda terma jamoasi bilan Afrika qit'asi chempioni bo‘lishiga qaramasdan sovrin o‘ziga emas, terma jamoa bilan hech qanday natijaga erishmagan Per-Emerik Obameyangga berilganiga qattiq norozilik bildirgandi.
G‘olib BBC saytidagi so‘rovnoma orqali aniqlanadi, ovoz berish 28 noyabrgacha davom etadi. Ovoz berish yakunlari 12 dekabr kuni e'lon qilinadi.
