OAV: Xitoyda ayol uchuvchi qiruvchi samolyotda mashg‘ulot parvozi vaqtida falokatga uchradi

Xitoyda ayol uchuvchi Yuy Syuy ko‘p funksional J-10 qiruvchi-bombardimonchi samolyotida mashg‘ulot parvozi bajarayotganida falokatga uchradi. Bu haqda Xitoyning Markaziy televideniyesi ma'lum qildi.    

Xitoy armiyasi harbiy-havo kuchlari matbuot xizmati ma'lumotlariga ko‘ra, 12 noyabrdagi mashg‘ulot parvozi vaqtida samolyot bilan muammolar yuzaga kelgan. Parvoz yo‘nalishi Tyantszin shahridan o‘tgan. Samolyot aynan shu yerda boshqaruvni yo‘qotib, Yuytyan uyezdida falokatga uchragan.

Yuy Syuy katapulta qilgan, biroq yerga tushayotgan vaqtda jiddiy jarohat olgan va ulardan halok bo‘lgan. Guvohlarning aytishicha, ikkinchi uchuvchi omon qolgan va shifoxonaga yetkazilgan.

Halok bo‘lgan uchuvchi 1986 yilda tug‘ilgan bo‘lib, yuqori lavozimli shaxslarni Xitoyga tashriflari vaqtida kuzatib borgan "Bay" guruhi a'zo bo‘lgan. Uchuvchi uchinchi avloddagi qiruvchi samolyotlarni boshqara oladigan guruhdagi 4 ayol uchuvchining biri bo‘lgan.