Peruda yuz bergan yerosti silkinishlari vayronagarchiliklarga sabab bo‘ldi

Peruning janubiy hududlarida kuchli zilzila ro‘y berdi. Reuters agentligining AQSh geologiya xizmatiga tayangan holda xabar qilishicha, uning kuchi 6,3 ballni tashkil etgan.
 
Zilzila markazi Xulyaka shahridan 45 km shimoli-sharqda 3 kmlar chuqurlikda bo‘lgan. Earthquake Track portali xabariga ko‘ra, ofat mahalliy vaqt bilan 17:40lar atrofida ro‘y bergan. 

Mamlakat fuqaro mudofaasi milliy instituti Twitter sahifasida ma'lum qilishicha, zilzila tufayli binolar vayron bo‘lgan. 

«Xabarlarga ko‘ra, Lampa viloyatida 8 ta uy vayron bo‘lgan, Paratiya okrugida 40ta uyga talofat yetgan. Odamlar xavfsiz joylarga ko‘chirilgan», — deyiladi xabarda.