Penalti qaytarish borasida Primera rekordi yangilandi

“Valensiya” klubi darvozaboni Diyego Alves Ispaniya chempionatining 15-turida “Real Sosedad”ga qarshi o‘yinda penaltini qaytarishga muvaffaq bo‘ldi. Shu tariqa darvozabon o‘ziga tegishli bo‘lgan rekordni yangilashga muvaffaq bo‘ldi. Braziliyalik darvozabon Primera doirasida 43ta penaltining 20tasini qaytarishga muvaffaq bo‘lgan.

Eslatib o‘tamiz, 31 yoshli darvozabon sentabrda bu borada ispaniyalik Andoni Subisarretani (102ta penaltidan 16tasi qaytarilgan) ortda qoldirgan edi.