Gulfstream Aerospace koʻrgazmada G400 dasturining yana bir muhim bosqichi - saloni toʻliq jihozlangan sinov samolyotining birinchi parvozi haqida ham maʼlum qildi.
Ushbu samolyot AQShdagi Dallas-Lav-Fild aerodromidan havoga koʻtarilgan. Parvoz ikki soat 46 daqiqa davom etgan, apparat 14,6 kilometr balandlikka chiqqan.
Sinov samolyoti saloni 11 yoʻlovchiga moʻljallangan boʻlib, ichki makon kompaniya taʼrifiga koʻra, ikki yarim zonaga ajratilgan. Parvoz davomida mutaxassislar salondagi bort tizimlarining balandlikda ishlashini, ularning funksionalligi va yoʻlovchilar uchun qulaylikni tekshirgan.
Ikki dvigatelli G400 biznes-jetining parvoz masofasi 7780 kilometrga moʻljallangan. Toʻliq jihozlangan samolyotning havoga koʻtarilishi sertifikatlash dasturidagi navbatdagi qadam boʻlgan.
Gulfstream Aerospace prezidenti Mark Berns jurnalistlar bilan uchrashuvda sertifikat olishning aniq muddatini aytmagan. Biroq u dastur «juda yaxshi ilgarilayotganini» va sertifikatlashga xavf tugʻdirishi mumkin boʻlgan muammolarni koʻrmayotganini bildirgan.
G400 parvoz sinovlari dasturiga jami toʻrtta samolyotni jalb qilish koʻzda tutilgan. Mayami - Las-Vegas parvozidagi natija esa aynan shu shaharlar oʻrtasidagi yoʻnalish rekordi sifatida eʼlon qilingan.
