Meksika politsiyasi Kaliforniyaga olib boruvchi ikki tunnelni aniqladi

Foto: AP

Meksika politsiyasi Meksika chegarasi yaqinidagi Tixuana shahridan Amerikaning Kaliforniya shtatiga elituvchi ikki tunnelni aniqladi. Bu haqida Associated Press xabar berdi.

Tunellardan biri oxirgacha bitmagan bo‘lgan. Agentlikning ma'lumotiga ko‘ra, yer osti yo‘llari narkobaron Xoakin Gusman boshqaruvchi "Sinaloa" narkokortel a'zolari tomonidan giyohvand moddalarini tashish uchun mo‘ljallangan.

Hozirda Gusmanning AQShga ekstraditsiya qilinishi kutilmoqda. U Amerika hukumati tomonidan jinoiy jamiyat tashkillashtirish, giyohvand moddalarni tarqatish, poraxo‘rlik va qasddan uyushtirilgan qotilliklarda ayblanmoqda.