Kanadada eng mitti qorbobo yasaldi

Kanadada olimlar dunyodagi eng mitti qorboboni yasashdi. G‘arbiy Ontario universiteti olimlari yaratgan qorboboning balandligi bor-yo‘g‘i 3 mikronni (1 mikron = 0,001 mm) tashkil qiladi, deb xabar bermoqda The Observer nashri. Taqqoslash uchun, odam sochi qalinligi 75 mikronni tashkil qiladi, ya'ni mitti qorboboning balandligi odam sochi qalinligidan 25 marta kichikroq.

Qorbobo kremnezyomning (kristall) mikroskopik o‘lchamdagi dumaloq zarrachalaridan yasaldi. Qorbobo "tanasi"ning har bir qismi 0,9 mikronni tashkil qiladi. Shu tariqa kanadaliklar avvalgi 10 mikronlik qorbobo rekordini yangilashdi. 

Qorboboning og‘zi va ko‘zlari bir joyga to‘plangan ion tutam yordamida o‘yib chiqilgan.