K-seriyadagi to‘rt yangi smartfon, shuningdek Stylus3modeli o‘rtacha narxdagi qurilmalar mashhurligi oshib borayotgan sharoitlarda taqdim etildi
LG Electronics (LG) kompaniyasi Las-Vegasda bo‘lib o‘tgan CES®2017 (Consumer Electronics Show-2017) ko‘rgazmasida o‘rtacha narx segmentidagi K-seriyali to‘rt yangi model va Stylus3 smartfonini namoyish qildi. Yangi qurilmalar 120 darajali tasvir burchagiga ega keng burchakli old kamera va orqa paneldagi barmoq izlari skaneri kabi flagman modellarning taniqli va eng yaxshi texnologiyalarini taqdim etish maqsadida ishlab chiqilgan.
LG’ning bir qator K-seriyali qurilmalari turli iste'molchilarga turli funksiyalar kerakligi to‘g‘risidagi g‘oyani qo‘llab-quvvatlaydi. LG mutaxassislari bir modelni ishlab chiqarib, unga iste'molchilarning ko‘nikishini poylashning o‘rniga foydalanuvchilarning turli xil ehtiyojlarini inobatga oluvchi butun bir seriyani ishlab chiqarishdi.
K10 smartfoni 5,3 dyuymli, In-cellTouch texnologiyasini qo‘llovchi HD-displey bilan ta'minlangan, bu nafaqat inshoot ichida, balki uning tashqarisida ham ajoyib tasvir sifatini yetkazib beradi. 5 megapikselli old kamera asosiy, bundan avval G-seriya smartfonlarida qo‘llangan 13 megapikselli kamerani a'lo darajada to‘ldirib turadi. Odatda o‘rtacha narxdagi qurilmalarda kuzatilmaydigan funksiyalar orasida barmoq izlari skaneri, 7,9 mm'li yupqa va mustahkam korpus uchun asos bo‘lib xizmat qilgan “U” harfi shaklidagi metall ramka va botiq 2,5 D-shishani alohida qayd etish mumkin.
K8 smartfoni 5 dyuymli HD-displey va In-cellTouch texnologiyasi bilan ta'minlangan. Surat va videolarning yuqori sifatini 5 megapikselli old va 13 megapikselli asosiy kameralar ta'minlaydi. Model foydalanuvchilarga yaxshi tanish bo‘lgan avtoselfi va qo‘l ishorasi bilan tasvirga olish funksiyalariga ega. Avtoselfi rejimi kadrdagi yuzni suratga olishda old kamera funksiyasini avtomat ravishda faollashtiradi, qo‘l ishorasi bilan tasvirga olish funksiyasi esa tegishli qo‘l ishorasidan keyin tugmaga bosmasdan selfi qilish imkonini beradi.
K4 modelida In-cellTouch texnologiyali 5 dyuymli displey, shuningdek 5 megapikselli old va asosiy kamera o‘rnatilgan. K4 smartfoni yupqa korpusi va 2 500 mAch'li olinuvchi akkumulyatori hamda qurilma xotirasini uzaytirishga imkon beruvchi micro SD kartaga mo‘ljallangan slot bilan diqqatga sazovordir.
