AQShning McDonald's korporatsiyasi o‘zining Yaponiyadagi bo‘limidagi ulushiga xaridor qidirmoqda. Bu haqda The Wall Street Journal nashri xabar bermoqda.
Nashrning ma'lum qilishicha, korporatsiyaning investorlar sotib olishi mumkin bo‘lgan McDonald's Holdings (Japan) bo‘limidagi ulushi 33 foizgachani tashkil qiladi. Bu ulushni sotib olishga ariza berish muddati keyingi haftada yakunlanadi.
AQSh korporatsiyasiga Yaponiyadagi bo‘limining deyarli yarim aksiyasi tegishli. Uning kapitallashuvi 3,5 mlrd dollarga baholanadi.
Avvalroq McDonald's Xitoydagi operatsion biznesining 80 foizini Citic va Carlyle Group kompaniyalar konsorsiumiga sotishi ma'lum qilingandi.
