“Real” “Barselona”ning rekordini yangiladi

Madridning “Real” futbol klubi Ispaniya kubogining 1/8 final javob bellashuvida “Sevilya” bilan 3:3 hisobida durang o‘ynadi va mag‘lubiyatsiz uchrashuvlari sonini 40taga yetkazib oldi. Bu haqda Tribuna.uz xabar bermoqda.

Shu tariqa, Madrid klubi “Barselona” tomonidan Ispaniya klublari uchun o‘rnatilgan rekordni yangiladi. Kataloniyaliklar 2015 yilning oktabridan 2016 yilning martiga qadar 39ta bahsda mag‘lubiyatga uchramagandi.

Shuni ta'kidlab o‘tish joizki, “Real” “Sevilya” bilan uchrashuvda mag‘lubiyatga ham uchrashi mumkin edi - jamoa 83-daqiqagacha 1:3 hisobida imkoniyatni boy berayotgandi, “qaymoqranglilar”ni qo‘shib berilgan vaqtda Karim Benzema qutqarib qoldi.