Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Австралия ҳукумати таркибида ўзгаришлар амалга оширилди
07:40 / 18.01.2017
1908

Австралия бош вазири Малколм Тернбулл мамлакат вазирлар маҳкамасида қатор ўзгаришларни амалга оширди. Бунга яқинда юз берган можаролар туфайли соғлиқни сақлаш ва спорт вазири Сьюзан Лининг истеъфога чиқиши сабаб бўлган, деб ёзади The Australian.

Қайд этилишича, Австралия соғлиқни сақлаш ва спорт вазири лавозимига Грег Хант тайинланган. Бунгача Хант мамлакат саноат, инновациялар ва фан вазири бўлиб келган. Хантнинг ўрни вазирлар маҳкамаси котиби бўлиб ишлаган Артур Синодиносга ишониб топширилган.

Тернбуллнинг сўзларига кўра, янги тайинловлар йирик ўзгариш ҳисобланмайди, балки бир истеъфо билан боғлиқ кадрлар алмашинувидир. 

Нашрга кўра, янги вазирлар келаси ҳафта бошида Канберрада қасамёд қилишади. 


Улашинг
Top