«Marsel» Patris Evrani o‘z tarkibiga qo‘shib oldi

Fransiyaning «Marsel» futbol klubi avval «Yuventus»da to‘p surgan himoyachi Patris Evra jamoaga kelib qo‘shilganini rasman ma'lum qildi.

35 yoshli fransiyalik futbolchi bilan 18 oyga mo‘ljallangan shartnoma imzolandi.

Evraning «Yuventus» bilan shartnomasi 2017 yilning yozida o‘z nihoyasiga yetishi kerak edi. Joriy transfer oynasi vaqtida esa himoyachi «Valensiya», «Kristal Pelas», «Lion» va «Manchester Yunayted» klublaridan biriga o‘tishi mumkinligi haqida mish-mishlar tarqaldi.

Evra «Yuventus»ga 2014 yilning iyulida o‘tib, Italiya jamoasi safida 82 uchrashuv o‘tkazdi.

Ma'lumot uchun, Fransiya terma jamoasi uchun 81 o‘yinda maydonga tushgan Evra 2006 yilda Fransiyaning «Monako»sidan «Manchester Yunayted»ga o‘tgandi.