O‘zbekiston Savdo-sanoat palatasida mahsulotlarni eksport qilish masalalari muhokama qilindi

O‘zbekiston Savdo-sanoat palatasida Iqtisodiy hamkorlik va taraqqiyot tashkiloti (IHTT) vakillari bilan muloqot bo‘lib o‘tdi. Unda, shuningdek, O‘zbekiston kichik biznes va xususiy tadbirkorlik eksportini qo‘llab-quvvatlash jamg‘armasi vakillari ham ishtirok etishdi. Bu haqda Kun.uz muxbiri xabar qildi.

Qizg‘in munozaralar shaklida bo‘lib o‘tgan davra suhbatida kichik biznes sub'yektlarining o‘z mahsulotlarini xorijiy bozorlarga sotish, tashqi bozorda mijozlar va xaridorlarni topish, shartnomalar imzolashda duch kelayotgan muammoli masalalar muhokama qilindi. 

Shu bilan birga, IHTT bilan hamkorlikda 2017 yil mart oyida bo‘lib o‘tajak anjuman uchun tavsiyalar va takliflar ishlab chiqildi.