«Barselona» klubi bosh murabbiyi Luis Enrike «PSJ» bilan o‘yindagi mag‘lubiyat haqida fikrlarini bildirib o‘tdi. Eslatib o‘tamiz, Parijdagi «Park de Prens» stadionida kechgan bahs 4:0 hisobida mezbonlar foydasiga hal bo‘ldi.
«Bu biz uchun dahshatli kecha bo‘ldi. „PSJ“ bizdan barcha jihatlarda – to‘p bilan harakat qilishda ham, to‘psiz o‘ynashda ham kuchli edi. Yakuniy natija maydondagi vaziyat haqida to‘liq taassurot beradi. Men bu haqda muxlislarimizga ortiqcha gapirishni istamayman.
Natija uchun mas'uliyat mening bo‘ynimda. Agarda mag‘lubiyatga aybdor bo‘lganga barmoqlaringiz bilan niqtab ko‘rsatmoqchi bo‘lsangiz, bu o‘yinchilar emas, balki menman. Sababi ushbu futbolchilar boshqa kunlarda g‘alaba ham qozonishadi. Biz Messi ko‘proq to‘pga egalik qilishi uchun o‘yin sxemasini 4-3-3dan 4-2-3-1ga o‘zgartirdik, biroq yakunda nima bo‘lganini o‘zingiz ko‘rdingiz.
„PSJ“ning bunday o‘yini hayratga solmadi. Ular Di Mariya kabi juda mohir o‘yinchilarga ega, shuningdek zaxira o‘rindig‘ida ham ajoyib futbolchilar bor. Ular yuqori o‘yin darajasini ko‘rsatib, g‘alabaga bo‘lgan intilishni namoyon eta bilishdi», - deya Enrikening so‘zlarini keltiradi Marca nashri.
