OAV: Tokio Olimpiadasi medallarini tayyorlash uchun eski telefonlardan foydalaniladi

Tokioda 2020 yilda o‘tadigan yozgi Olimpiada uchun medallar eski mobil qurilmalardan olinadigan oltin, kumush va bronza elementlaridan tayyorlanadi.

Shu maqsadda Yaponiyada eski gadjyetni olib kelib, medallarni tayyorlash uchun qayta ishlashga topshirish mumkin bo‘lgan maxsus qutilar o‘rnatildi. Aktsiyaning birinchi kuni yuzdan ko‘proq odam o‘zlarining kerakmas qurilmalarini topshirishgan.

Bu loyihadan maqsad Olimpiada o‘yinlarini o‘tkazishga xarajatlarni qisqartirish hisoblanadi. Hozirda bu o‘yinlarni tashkil qilish uchun 25 mlrd dollardan ko‘proq pul sarflab bo‘lindi. Yaponiya hukumati Olimpiadada o‘ynaladigan barcha medallar to‘plamini tayyorlash uchun 8 tonnaga yaqin metall to‘plashni mo‘ljallamoqda.