Litvada NATOning mast harbiylari qo‘lga olindi

Litvaning Klaypeda shahri politsiyachilari NATOning 5 askarini qo‘lga olishda elektroshokerdan foydalanishlariga to‘g‘ri keldi, deb xabar bermoqda Litva ichki ishlar vazirligi politsiya departamentiga iqtibos keltirgan holda Baltnews.lt.

Ma'lum qilinishicha, 19 fevralga o‘tar kechasi NATOning mast holatdagi bir guruh harbiylari tungi klub yonida janjal chiqargan. Chexiya millatiga mansub bo‘lgan harbiylar voqea joyiga chaqirtirilgan politsiyachilarga qarshilik ko‘rsatmoqchi bo‘lishgan. Politsiyachilar bezorilarini tinchlatish uchun elektroshokerlar qo‘llashga majbur bo‘lganlar. 

Chexiyalik harbiylar shaharga yanvarda kelishgan, ular fevral oxirida sohilbo‘yini dengiz desantidan himoya qilish bo‘yicha qo‘shma mashg‘ulotlarda ishtirok etishlari kerak. Qoidabuzar harbiylar taqdirini ularning qo‘mondonlari hal qilishadigan bo‘ldi.

Nashrning ma'lum qilishicha, NATO harbiylari ishtirokidagi bunday bezoriliklar avval ham Shyaulyay, Ionava, Kaunas va Vilnyusda qayd etilgan.