Sog‘liqni saqlash vazirligi Adham Ikromovning keyingi faoliyati haqida ma'lumot berdi

2009−2012 yillarda Sog‘liqni saqlash vaziri bo‘lgan, 2016 yil dekabridan 2017 yil fevraliga qadar yana shu vazirlikni boshqargan Adham Ikromov bugundan Sog‘liqni saqlash vazirligi tizimidan butunlay ketdi. Bu haqda «Kun.uz» saytiga vazirlikdagi manba ma'lum qildi.

U vazirlikda vazir o‘rinbosari sifatida faoliyatini davom ettirishi haqidagi ma'lumot rad etildi. 

Adham Ikromov 2012 yildan buyon bosh vazir o‘rinbosari lavozimida faoliyat yuritib, Vazirlar Mahkamasining Sog‘liqni saqlash, ekologiya, atrof muhitni muhofaza qilish, jismoniy tarbiya va sport kompleksini boshqarib keladi. Endilikda ushbu kompleksdan Sog‘liqni saqlash bo‘yicha bo‘lim chiqarilgan.

Shuningdek, Sog‘liqni saqlash departamenti sektorga aylantirilib, bosh vazir kompleksiga o‘tgan.