Olimlar qand kasaliga qarshi kurashning yangi usulini aniqladilar

Amerikalik olimlarning ta'kidlashlaricha, ochlikni imitatsiya qiluvchi ovqatlanish oshqozon osti bezi hujayralarini tiklashga yordam beradi. Kam uglevodli va kam oqsilli hamda seryog‘ mahsulotlardan iborat kam kaloriyali diyeta organizmni "qayta yuklab", oshqozon osti bezi hujaylarida tiklanish mexanizmini faollashtiradi. Tibbiyotchilarning fikricha, bu kashfiyot qand kasalligiga qarshi kurashda yordam berishi mumkin.  

Janubiy Kaliforniya universiteti olimlarining Cell nashrida chop etilgan tadqiqoti sichqonlarda o‘tkazilgan tajribalarga asoslangan. Sichqonlar ma'lum vaqt davomida och qoldirilib, so‘ngra normal diyetaga qaytarilganlar. 

Ushbu diyeta odamlarda ham sinalgan – sinaluvchilar 5 kun davomida faqat kam uglevodli va kam oqsilli hamda seryog‘ mahsulotlar tanovul qilganlar, so‘ngra 25 kun davomida ularga nima istasalar shuni yeyishga ruxsat berilgan. Olimlarning fikricha, bunday rejim ochlik davrlarini imitatsiya qilishi kerak.

Olimlarning aniqlashicha, ochlik davrida sichqonlarda oshqozon osti bezi hujayralarida o‘ziga xos tiklanish mexanizmi faollashgan. Shunga o‘xshash jarayon asos hujaylarda ham kechadi va shifokorlar uning mavjudligini inson a'zolarining qisman tiklanishga qodirligi bilan anchadan beri tushuntirib keladilar. 

Ammo hanuzgacha bu jarayonni qanday qilib ishga tushirish ma'lum bo‘lmagandi va uning faollashuvini ochlik bilan bog‘lash hech kimning xayoliga kelmagan.

"Biz agar sichqonlar ochlik yo‘li bilan juda tushkun holatga keltirilib, so‘ngra yaxshilab boqilib, normal holatga yana qaytarilsalar, ularning oshqozon osti bezlarida hujayralarni qayta dasturlovchi qandaydir mexanizm ishlashni boshlashi haqida fikrga keldik. Bu mexanizm organlarning ishlamaydigan qismlarini tiklaydi", deb aytdi tadqiqot malliflaridan biri Valter Longo.

"Ilmiy jihatdan ushbu kashfiyot juda muhimdir, chunki biz genlarni modifikatsiya qilmay, diyeta yordamida hujayralarni qayta dasturlash mumkinligini isbotladik", deb qo‘shimcha qildi Longo.

Tibbiyot sohasida ushbu kashfiyot birinchi navbatda qand kasaliga qarshi kurashda yordam beradi, chunki tajriba siqchonlarida qondagi shakar miqdori barqarorlashgan. Bunday diyeta qand kasali sababini bartaraf etib, inson organizmida insulin ishlab chiqarilishini tiklashi mumkin.