JCh-2026’da konfederatsiyalarga nechtadan o‘rin ajratiladi?

Afrika futbol konfederatsiyasi 2026 yilgi JChda 9 yoki 10ta kvotaga ega bo‘ladi. Bu haqda Mavritaniya poytaxti Nuakshotda o‘tkazilgan matbuot anjumani vaqtida FIFA prezidenti Janni Infantino ma'lum qilgan. Uning so‘zlari France Presse agentligi tomonidan keltirilgan.

FIFA rahbari jahon chempionati ishtirokchilari sonini oshirish  futbol rivojiga xizmat qilib, ushbu sport turiga kiritiladigan  investitsiyalar hajmini oshiradi.

"2026 yilgi jahon chempionatida ishtirok etadigan 48 terma jamoadan 9ta yoki 10tasi Afrika vakillari bo‘ladi. Biz aynan kvotalarni taqsimlash ustida ishlamoqdamiz", - degan Infantino.

Ayni vaqtdagi tartibga ko‘ra, 32ta terma jamoa qatnashadigan JChda Afrikadan 5ta terma jamoa ishtirok etadi. Mundial ishtirokchilari sonini 2026 yildan 32tadan 48taga yetkazish haqidagi qaror o‘tgan yilning dekabrida FIFA kengashi tomonidan qabul qilingandi. Yangi formatdagi jahon birinchiligida ishtirokchilar 16ta guruh hosil qiladi va har bir guruhda 3tadan terma jamoa joy oladi. Guruhlardan birinchi va ikkinchi o‘rinlarni egallagan terma jamoalar keyingi bosqichga chiqadi.

Kvotalarni taqsimlash bo‘yicha yakuniy qaror keyinroq ma'lum qilinadi. Hozirgi ma'lumotlarga ko‘ra, kvotalar taqsimoti quyidagicha bo‘ladi: Yevropa - 16 terma jamoa, Afrika - 9,5 (o‘tish o‘yini o‘tkaziladi), Osiyo - 8,5, Shimoliy va Markaziy Amerika 6,5, Janubiy Amerika - 6,5, Okeaniya - 1.

Jahon chempionati ishtirokchilari sonini ko‘paytirish g‘oyasini Infantino FIFA prezidentligiga saylanishidan 1 yil oldinroq taklif eta boshlagandi. O‘shanda u ishtirokchilar sonini 40taga yetkazish haqida gapirardi, prezidentlikka saylangach esa bu miqdor 48ta bo‘ldi.  2018 va 2022 yillarda Rossii va Qatarda o‘tkaziladigan mundiallarda ishtirokchilar soni 32taligicha qoladi.

France Presse agentligi xabariga ko‘ra, FIFA formatni o‘zgartirish evaziga 3,54 mlrd o‘rniga 4,18 mlrd dollar daromad ko‘rishni rejalashtirgan.