Zimbabveda milliy falokat e'lon qilindi

Zimbabveda so‘nggi uch oyda taxminan 250 inson suv toshqinlari natijasida halok bo‘ldi. Bu haqda Assoshieyted Press agentligi xabar bermoqda.

Mahalliy hukumat ma'lumotiga ko‘ra, o‘tgan yilning dekabridan boshlab suv toshqinlari natijasida hammasi bo‘lib 246 inson halok bo‘ldi, 128 nafar kishi jabrlandi hamda taxminan ikki ming fuqaro boshpanasiz qolgan.

Ma'lumotlarga ko‘ra, mahalliy hukumat suv toshqinlari tufayli milliy falokat haqida e'lon qildi va xalqaro donorlarga 100 million dollar miqdorida yordam so‘rab murojaat etgan.