«Wenger out!». «Arsenal»da yangi murabbiy bo‘ladi

«Yuventus» bosh murabbiyi Massimiliano Allegri katta ehtimol bilan faoliyatini «Arsenal»da davom ettiradi. Bu haqda The Sunday Express xabar tarqatdi.

Nashr ma'lumotiga ko‘ra, italiyalik mutaxassis londonliklar klubi bilan kelishuvga erishgan.

Ammo shartnoma Arsen Vengerning o‘z lavozimini tark etishidan keyin imzolanishi aytilgan. Fransiyalik mutaxassis haligacha qaror qabul qilmayapti.

Bundan oldinroq, Allegri o‘z faoliyatini Angliyada davom ettirishi borasidagi xabarlarni izohlashdan bosh tortgani xabar qilingandi. Ammo manbaning tasdiqlashicha, u «Arsenal» bilan hatto qaysi futbolchilarni transfer qilishi borasida ham gaplashib olgan.